କୋମନା ବ୍ଲକରେ ଗୁରୁଜନ ଓ ମାତୃଶକ୍ତି କାର୍ଯ୍ୟକ୍ରମ — ନୂଆପଡା ଉପନିର୍ବାଚନକୁ ନେଇ ବିଜେପିର ସ୍ୱତନ୍ତ୍ର କାର୍ଯ୍ୟକ୍ରମ
ନୂଆପଡା/ଭୁବନେଶ୍ୱର: ନୂଆପଡା ବିଧାନସଭା ଉପନିର୍ବାଚନକୁ ନେଇ ବିଜେପି ନେତା, ମନ୍ତ୍ରୀ, ସାଂସଦ ଓ ବିଧାୟକମାନେ ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ଜନସଂଯୋଗ ଜାରି ରଖିଛନ୍ତି । ଏହି ଅଭିଯାନ ଅନୁସାରେ ଆଜି ନୂଆପଡା ଜିଲ୍ଲାର କୋମନା ବ୍ଲକ ଅଧୀନ ସୁନାବେଡ଼ା ପଞ୍ଚାୟତରେ ଥିବା ମା’ ସୁନାଦେଇ ମନ୍ଦିର ପରିସରରେ ଗୁରୁଜନ ଓ ମାତୃଶକ୍ତିଙ୍କ ସହ ଏକ ବିଶେଷ ବୈଠକ ଅନୁଷ୍ଠିତ ହୋଇଛି ।
ଏହି ଅବସରରେ ଓଡ଼ିଶା ସରକାରଙ୍କ ଶିଳ୍ପ ମନ୍ତ୍ରୀ ଶ୍ରୀ ସମ୍ପଦ ସ୍ୱାଇଁ ଉପସ୍ଥିତ ହୋଇ ଗ୍ରାମବାସୀ, ବିଶେଷତଃ ଗୁରୁଜନ ଓ ମା’ମାନଙ୍କ ସହ ସୌହାର୍ଦ୍ୟପୂର୍ଣ୍ଣ ବାର୍ତ୍ତାଳାପ କରିଥିଲେ । ସେ “ଡବଲ୍ ଇଞ୍ଜିନ୍” ସରକାର ଙ୍କ ଜନହିତକାରୀ ଯୋଜନାମାନଙ୍କ ଦ୍ୱାରା ଗ୍ରାମୀଣ ଅଞ୍ଚଳର ଲୋକ କିପରି ଲାଭାନ୍ୱିତ ହେଉଛନ୍ତି, ତାହା ଉଲ୍ଲେଖ କଲେ ।
ଶ୍ରୀ ସ୍ୱାଇଁ ମୋହନ ଚରଣ ମାଝୀଙ୍କ ନେତୃତ୍ୱରେ ରାଜ୍ୟରେ ହେଉଥିବା ଦ୍ୱିଗୁଣିତ ବିକାଶ ଉପରେ ଆଲୋକ ପାତିଥିଲେ ଓ ନୂଆପଡା ମାଟିର ପୁଅ, ବିଜେପି ପ୍ରାର୍ଥୀ ଶ୍ରୀ ଜୟ ଢୋଲକିଆଙ୍କୁ ପଦ୍ମ ଚିହ୍ନରେ ଭୋଟ୍ ଦେଇ ବିଜୟୀ କରିବାକୁ ଜନସାଧାରଣଙ୍କୁ ଅନୁରୋଧ କରିଥିଲେ ।(PNS)
